EXPO « Mons à l'eau et à l'huile ».
Quée v'là ein drôle dé tite pou n'esposition : « Mons à l'iau èyè à l'huile » !
Si y a bé deux dinrées qui n'sé mélangent'té nié c'est bé l'iau èyè l'huile...
Y falloit d'audace pou asprouver d'lés réuni !
Eyè pourtant, in stiquant enne toisième dinrée : enne protéine, on arrive à les assimbler alors ca d'viet eine émulsion, comme el mayonnaise.
Hé bé pour Joseph MOTTOUL qui peint à l'eau èyè Gérard NOIRFALISE qui peint à l'huile, el protéine s'appelle « l'Association des Montois Cayaux ».
I faut coire qu'el mayonnaise à pris (èyè qu'elle conserv'ra) puisqué l'exposition durera pindant deux mois ! Merci branmint des caups à l'Ville dé no avoir prêté l'bocal (infin l'local).
Eyè… bonne visite !